• Home
  • News
  • PAANDAR 2014: Top 10 Kontrabidas you love to hate or you just really hate

PAANDAR 2014: Top 10 Kontrabidas you love to hate or you just really hate

Balewala ang isang bida kung wala ang kontrabidang susubok sa kanyang pagkatao at magpapahirap sa kanya sa pagtakbo ng kwento.

Star Cinema Admin
by
Star Cinema Admin

12/23/2014 in News
PAANDAR 2014: Top 10 Kontrabidas you love to hate or you just really hate

Balewala ang isang bida kung wala ang kontrabidang susubok sa kanyang pagkatao at magpapahirap sa kanya sa pagtakbo ng kwento. Dahil sa kanila mas minamahal natin ang mga bida na sinasabayan natin sa kanilang bawat pag-iyak at tagumpay. Aminin man natin o hindi sobra tayong nangingitngit sa kanila mula sa hitsura nila hanggang sa pananalita nila na grabe makahamak ng ating mga bida. 

Bilang pagpupugay sa kanilang katapangan na harapin ang galit na galit na manonood ay narito ang top 10 kontrabidas na we love to hate or we just really hate ngayong 2014 sa mga sinubaybayan nating teleserye sa ABS-CBN: 

10. Iris Robles (Mika dela Cruz), Mirabella – Para kay Iris ang buhay ay kailangan perfect at naa-ayon sa gusto niya dahil ganun siya pinalaki ng nanay at lola niya. Kaya noong nakita niya si Mira na may kakaibang anyo ay naging sentro ng atensyon niya ito hindi para kaawaan kundi para hamakin at pagtawanan. Hanggang dumating si Bella na nagbigay ng challenge sa buhay niya. Kailangan niya itong kalabanin para manaig siya at maprotektahan ang ego niya. Pero sa huli, ang mga ginawa niya kay Mira ay bumalik sa kanya at sa inang may ginawang masama sa pamilya ni Mira noon. 



9. Elena "Ena" Villamayor-Montilla (ZsaZsa Padilla) Mars Ravelo’s Dyesebel – Selos at inggit ang naging daan para kay Ena na kalabanin si Lucia at idamay ang anak nitong si Dyesebel. Hindi siya pinagkatiwalaan ng sariling ina pagkatapos nitong mahuli na winawaldas ang pera ng resort. 



8. Sylvia Samson-Lorenzo (Agot Isidro), Bagito – Kailangan niyang protektahan ang pangalan at ang eskwelahan na pinamamahalaan niya. Kaya pati pagkakaibigan ng anak niya at si Drew ay kailangan niyang putulin. Para sa kanya ang pagiging ama ni Drew sa maagang edad ay isang pagkakamali at ayaw niyang madamay ang sinuman sa pamilya niya dito lalo na ang anak niyang dalaga. 



7. Sasha Syquia-Salvador (Maricar Reyes), Sana Bukas Pa Ang Kahapon – Kung ano ang meron si Rose ay dapat mapunta sa kanya. Ganito si Sasha na umasam ng kapangyarihan at kayamanan kaya dahil ang lalaking mahal ni Rose ay kailangan niyang agawin. Pansamantalang nawala si Rose dahil akala nila ay patay na ito. Sa pagbalik ni Rose bilang Emanuelle ay mas tumindi ang galit ni Sasha dahil mas kaya nitong tumapat sa kanya mula sa hitsura at sa impluwensya sa kumpanya. 



6. Hugo Layer (Joel Torre), Honesto – Dahil sa kasakiman nagawang talikuran ni Hugo ang sariling anak at paikutin ang pamilya niya sa isang kasinungalingan. Ginamit niya ang kayamanang ninakaw niya para baguhin ang buhay nilang mag-anak. Pero sa huli, ang kasakiman din ang sumira sa kanya sa relasyon niya sa mga mahal niya sa buhay at mga inaakala niyang kaibigan niya.

5. Zuma (Derick Hubalde), Galema: Anak ni Zuma – Binalik siya ng paghihigante sa mga taong nagdala ng sumpa sa kanyang pagkatao. Balak niyang sakupin ang sangkatauhan pero ang tanging anak niya ang naging daan para pigilan siya. 



4. Maximo Salazar (Ronaldo Valdez), Ikaw Lamang – Hanggang kaya niya i-control ang mga tao sa paligid niya ay gagawin niya ito dahil sa kasakiman niya sa kapangyarihan. Sinubukan niyang kalabanin ang sarili niyang manugang gamit ang kanyang apong si Franco. Dahilan din siya ng pagkamatay ng sarili niyang anak at pagkabaldado ng sariling apo. Dahil sa kasakiman, ito rin ang naging dahilan para talikuran siya ni Gonzalo na dati niyang kakampi. Si Gonzalo ang nagplano kung paano siya patayin, ang ilibing siya ng buhay kasama ng kayamanan niya at mga ulupong (ahas) na kagaya niya. 



3. Franco Hidalgo (Jake Cuenca), Ikaw Lamang – Dahil sa selos at inggit at kailangan niyang pasabugin ang barkong sinasakyan ng asawa niya at kapatid sa ama. Sa harap ng asawa ay isa siyang malupit na tao at sa mga anak at ibang tao kaya niyang laruin ang emosyon niya na nagpapakita na siya ay isang biktima. Pinalaki niya ang anak niyang inaakalang masama ang kanyang ina pero sa katotohan siya ang dahilan ng lahat. 



2. Janine Arguello (Erich Gonzales), Two Wives – Dahil sa anak na nangungulila sa ama ay napilitan siyang kunin si Victor para maging ama nito. Pero hindi inaasahan ni Janine na mahulog ang loob niya kay Victor at pinilit nitong mahalin siya. Dahil sa pag-ibig ay nabaluktot niya ang mali para maging tama sa kanila - ang piliin siya ni Victor at iwan ang sariling asawa ay naging abot kamay niya lalo na’t naging totoong mag-asawa sila. Pero sobrang bilis ng karma dahil ilang araw mula noong ikinasal sila ay naaksidente si Victor at nagka-amnesia. At ngayon, siya na dating kabit at masaya, ay siyang asawang nagdudusa dahil bumalik si Victor kay Yvonne. 



1. Nicole Esquivel (Maja Salvador), The Legal Wife – Muling nagbabalik si Maja sa listahan ng kontrabida na nagpangitngit sa ating tuwing gabi sa Primetime Bida. Kung noong 2013 siya si Margaux sa Ina Kapatid Anak ay mas nag-level up siya bilang si Nicole sa The Legal Wife. Dahil sa pangungulila sa pagmamahal ay nagawa niyang agawin ni Adrian na asawa ng kaibigan niyang si Monica. Ang bawat gabi ng The Legal Wife ay puno ng pasabog ng mga linyang kinapitan natig lahat. Mga sampalan at sagutang dinama natin lalo na si Nicole na pilit inaagaw si Adrian kay Monica na siyang bumago sa pagkatao nito. Mula sa pagiging simple at tahimik na Monica, hinamon siya ni Nicole at naging palaban na walang inuurungan lalo na sa mga may atraso sa kanya. 



SOURCE: https://www.abs-cbn.com/updates/PAANDAR-2014-Top-10-Kontrabidas-you-love-to-hate-or-you-just-really-hate-PART-2?scid=0BA016E0-20A7-46C5-8423-7F3CE3982E66


SHARE ON FACEBOOK
SHARE ON TWITTER