• Home
  • News
  • Xyriel Manabat is teenage girl with progeria on ‘MMK’

Xyriel Manabat is teenage girl with progeria on ‘MMK’

Xyriel Manabat portrays the inspiring story of a young girl who stood up amidst her rare disease.

Star Cinema Admin
by
Star Cinema Admin

12/18/2014 in News
Xyriel Manabat is teenage girl with progeria on ‘MMK’

Magbibigay-inspirasyon sa mga manonood ng “Maalaala Mo Kaya” ang
award-winning child actress na si Xyriel Manabat na gaganap bilang dalagitang nananatiling positibo sa buhay sa kabila ng pagkakaroon ng progeria, isang pambihirang sakit kung saan mabilis na tumatanda ang katawan ng isang bata kaya naman sa murang edad ay animo’y matanda na at nangungulubot ang balat nito.

Nagsimulang mabago ang buhay ni
Rochelle nang matuklasan ang kanyang sakit noong siya ay limang taong gulang at binigyan ng taning ng kanyang doktor na mabubuhay hanggang 15 taong gulang. Tanggap ang katotohanang maiksi lang ang itatagal niya sa mundo, nagpasya si Rochelle na mamuhay nang masaya at maranasan ang mga pinagdaraanan ng mga normal na ka-edad niya, kabilang ang pagmamahal.

Magiging susi ba ang pag-ibig upang higit na lumaban sa buhay, o ito ba ang magdudulot sa kanya ng mas matinding sakit?

Kasama rin sa
upcoming episode ng “MMK” ngayong Sabado (Disyembre 20) sina Paul Salas, Aiko Melendez, Dang Cruz, Maggie Dela Riva, Ian De Leon, Eva Darren, Crispin Pineda, Paolo Angeles, Ishmael Claverio, Carlo Lacana, Andrei Garcia, at JM Ibañez as Angeline. Ito ay sa ilalim ng direksyon ni Mae Cruz- Alviar at panulat nina Mary Rose Colindres at Arah Jell Badayos.
Ang "MMK" ay pinamumunuan ng business unit head nito na si Malou Santos at creative manager na si
Mel Mendoza-Del Rosario.

Sa loob ng 23 taon, bahagi na ng bawat pamilyang Pilipino saan man sa mundo ang "Maalaala Mo Kaya" na bawat Sabado ay nagpapaluha, nagpapangiti, at nagbibigay-inspirasyon sa
TV viewers sa pamamagitan ng mga totoong kwentong buhay na ibinabahagi ng letter-senders ng programa.

Huwag palampasin ang
longest-running drama anthology sa Asya, "MMK," tuwing Sabado, 7:15PM, pagkatapos ng "Home Sweetie Home" sa ABS-CBN. Para sa iba pang updates, mag log on sa MMK.abs-cbn.com, sundan ang @MMKOfficial sa Twitter, at i-like ang Facebook.com/MMKOfficial. I-tweet ang inyong saloobin at opinyon kaugnay ng episode ngayong Sabado gamit ang hashtag na #MMKRochellesTime.

Samantala, maaari na ring panoorin ang
full episodes o past episodes ng “MMK” gamit ang ABS-CBNmobile. Pumunta lamang sa www.abscbnmobile.com para sa karagdagang impormasyon.

The ultimate line fan experience gets even better here at starcinema.com.ph.

See other latest news here, visit our online store, and talk about your favorite stars, movies, and TV shows on Fans Speak!

For more updates:

Follow Star Cinema on:

Twitter: @StarCinema
Instagram: starcinema
Google Plus: ABSstarcinema
Youtube: ABSstarcinema
Facebook: StarCinema
 
For more updates on your favorite Star Cinema movies, continue to visit www.starcinema.com.ph

Tags: XyrielManabat 
SHARE ON FACEBOOK
SHARE ON TWITTER